最近仲係今年 Icons of Whisky Awards 度拎左唔少獎項
如果有留意開威士忌都可能知依間公司係比suntory買左,
佢旗下 Bowmore 同埋 Auchentoshen 都算係知名度比較高
而今次依個展覽佢地都佔左幾重要既一部分, 至少我有六分一既酒都係佢度試...
一入場我就已經衝左入去bowmore個攤位度,
非常幸運地拎到每日得1, 2場, 而且限15人既bowmore30 tasting ticket!!!
而同行有2個fd都拎唔到, 因為數量真係太少
拎完飛第一個攤去左低地既auchentoshen, 支three wood一直係我比較喜歡既一支酒,
但其他款就未試過, 而且都已經清左2支了, 所以今次就唔試了, 留返d quota先
Auchentoshan 12 years, 40%alc
N: 香氣唔太出, 比較新既木味, 少少柑橘類果香, 少少nuts
P: 入口順, 味道偏淡冇乜力, 少少甜, 木味, 微柑橘
F: 中~短, 淡淡地, 少少nuts
算係好普通既一支酒, 可能只係比起其他較順口, 唔突出
Auchentoshan 18 years, 43%alc
N: 濃返少少, 甜D, 少少杏仁, 橙皮
P: 繼續都係幾順, 木桶味, 香甜, 少少綠茶, 幾圓潤
F: 比較DRY唔似飲緊果時咁甜, 好悠長既木桶香
都試得過, 18年黎講偏簡單, 但整體幾舒服
Auchentoshan 1998 Fino Sherry Cask, 52.4%alc
N: 好醇 & 濃厚既香氣, sherry冇想像中咁重, 杏仁, 少少spicy
P: creamy. 香甜, 青蘋果, 少少柑橘, 微辛, 變化好足更勝three wood
F: 青蘋果, 淡涼既sherry cask, 餘香感覺好舒服, 但略嫌唔夠長
值得推薦既一支酒, 如果finishing更進一步就好好
另外仲有比錢試既50年!!! 500$ntd都差唔多有30ml,
幾抵玩我諗正常情況下我都唔會買到, 依d真係可一不可再
Auchentoshan 1957, 50 years, Sherry Cask #479, 46.8%alc
N: 唔算太濃, 但真係好香醇, 好誘人既甜味, 木桶, 後段慢慢再出D果味
P: 順到好似絲一樣, 木味多少少, 仍然香甜, 少少糖果/朱古力, 好平均, 舒服
F: 中~長, 醇厚到真係齒頰留香, 好適中既木桶味, 徇甜
雖然冇預期中咁勁, 但係好滑, 香味好吸引
完左Auchentoshan下一站係o係正隔黎既suntory
依檔有得免費試既只有山崎白州12, 響12 &17
既然前者我都試左, 咁今次就淨係試 響 (場內除左佢我淨係試左ichrio blended)
作為一個備受推崇既blended whisky其實都想試好耐不過冇機會
山崎同白州再加d grain會變成點? 而家就試佢一試
響 Hibiki 12 years, 43%alc
N: 清淡既香氣, 蜜糖, 少少穀物, 蘋果/梨
P: 入口幾順, 少少甜, 偏淡, 同聞到既幾一致
F: 適中長度, 一貫日本威比較細緻既結尾, 淡既木味為主
響 Hibiki 17 years, 43%alc
N: 濃返少少, 似係日本木既感覺, 少少花果既清香, 蜜糖, 優雅
P: 順口得返比十二豐富好多, 少甜, 微辛, 各方面都好BALANCE
F: 飲完持續好舒適既香味, 少少回甘
響21同30就要比錢先有得試了....少少後悔冇試拎獎最多既30
因為應該冇朋友會買..zzZ
同場仲有大師輿水精一既講解同埋日本舞表演, 不過我冇睇
試完日本野之後去左Glen Garioch, 一支同集團冇咁出名既高地酒
其實佢仲有間廠[McClelland]今年冇擺show, 果間就真係我都未聽過...
Glen Garioch Founder's Reserve, 48%alc
N: 適中, 蘋果, 蜜糖, 少少橡木, 麥甜
P: 入口先係甜甜地, 之後多少少spicy, 香料, 複雜度都ok
F: 主要係木桶味, 比較dry, 略嫌簡單
48%令佢比其他入門酒有力好多, 雖然唔算話好特別, 但幾抵玩
Glen Garioch 1995, 55.3%alc
N: 蘋果, 香草, 香料, 蜜糖, 超出佢依個年份應該有既醇香
P: 入口感覺幾細緻, 辛辣既香料, 刺激度高, 少少木桶, 少甜
F: 長, 香甜既木味, 少少麥香
其他依支唔錯, 一開始我都諗過買, 不過第2日最後唔記得點解放棄左...
然後兜多左好耐, 等到五點鐘30年個CLASS開始再返去BOWMORE
果日掛住飲同埋買野係唔記得影返個樽的....
之前都有睇過佢果d youtube片其實佢講得幾好我覺得, 又唔會太重蘇格蘭口音
Bowmore 30 years Sea Dragon, Batch no.3, limited for 518 bottles, 48.9%alc
N: 好濃郁既香味, 清新既草青/薄荷味, 花香, 果味, 唔太甜, 少少peat同煙
P: 超順, 花香, nuts, 鹹甜都有d但好balance, 好soft既peat, 多左少少煙
F: 淡但係非常悠長, 極清新既Islay, 加上少少香甜既感覺
依支真係超級正, 每一方面都好好, 除左價錢之外冇乜可以挑剔,
可能如佢所講, Bowmore未必係islay入面最勁, 但追求既係一個perfect balance
用一隻肥杯黎裝好似有少少可惜, 不過一聞發覺真係唔用nosing glass都好正!!
而且隻杯係作為贈品可以拎走的, 仲比左Iain Macallum簽名, 但之後唔記得合照...
飲完30年本第想返兜18, 點知今日既已經斟完, 唯有試下普通版15年
Bowmore 15 years Darkest, 43%alc
N: 適中既香味, 重煙草, 少泥煤, 好弱既果味, 的確比較深沉
P: 少甜, 再重o的既煙, 泥煤亦都加強返, 得43%但仍然感覺好強
F: 中~長, 淡煙燻&泥煤, 比較上典型既islay結尾
依支感覺都唔錯, 值得推薦, 比免稅版果支好
如果仲搵到舊版(我唔鍾意新包裝方盒...)又平既話可能我會考慮下入
小結:
o係佢地度試左十支, 雖然唔係支支都好好, 但整體印象唔差
而支bowmore30更加係兩日入面最正果支
沒有留言:
張貼留言