WhiskyLIVE 2013: Glenmorangie Cask Master

很久沒更新tasting event以外的品飲紀錄, 難得去whiskyLIVE試了這麼款, 回來也應該分享一下~ 但這兩個星期真的太忙, 先出一篇....

第一篇紀錄是有關Glenmorangie Cask Master, 這個活動係2013年初開始, 由全球既Glenmorangie fans攜手合作, 由選桶, 名命, 包裝, 宣傳等方面投票決定下一支特別版的內容!! 第一階段已經開始了幾個月, 並且由Dr.Bill, Dave Broom, Charles MacLean等等幾位大師由十幾款原酒選出三款, 再開始網上選拔~~

分別係 A: Grand Cru Burgundy; B: Grand Cru Bordeaux; C: Manzanilla Sherry
第一二支皆係九十年代尾蒸餾的原酒, 以十年波本加上約六年紅酒過桶, 而第三款就比較年輕, 連過桶都不足十年!

結果其實最近已經公布了, Manzanilla成為今次既酒款, 而LIVE內這次品酒會亦會是全球最後一場Cask Master的介紹。

Glenmorangie Cask Master - A: Grand Cru Burgundy, 46%alc
(1998 distilled, 10 years ex-bourbon + 6 years Grand Cru Burgundy wine cask)
N: 非常香甜濃郁既水果氣味, 雜莓, 梅, 糖果, 些許香草, 木材
P: 入口後強烈的甜以及辛辣湧出來, 朱古力, 糖果, 梅, 木桶, 很重單寧的感覺
加水後順滑一點而且烤烘感加強
F: 仍然有微辛的感覺, 香料, 香草, 杏仁, 以及一點木桶, 偏DRY的結尾
香氣方面十分吸引, 濃郁的紅酒桶感覺令我想起auchentoshan1999boredeaux, 入口後辛辣偏重, 雖然強勁但有點失衡, 結尾沒所想的甜, 而且略短

Glenmorangie Cask Master - B: Grand Cru Bordeaux, 46%alc
(1997 distilled, 10 years ex-bourbon + 7 years Grand Cru Bordeaux wine cask)
N: 比較明顯Glenmorangie的原本風格, 尤其柑橘類水果; 比第一支舒適的果香, 不會太濃; 除此之外有花香及一點胡椒
P: 入口油感重, 水果, 香甜, 果醬, 煮過的橙, 多士, 微辛
F: 適中的長, 仍然香甜, 帶點果酸, 波本桶的香氣, 少許木桶的澀
整體感覺舒適, 香甜美味, 但作為特別版略嫌不足

Glenmorangie Cask Master - C: Manzanilla, 46%alc
(2004 distilled, 4 years ex-bourbon + 5 years Grand Cru Burgundy wine cask)
N: 拖肥, 風乾火腿, 鹹, 果仁, 乾果, 橙, 少許香料
P: 酒體厚實, 濃郁的柑橘水果, 焦糖, 蜜糖, 提子乾, 果仁, 烤木桶, 檻欖, 微鹹
F: 結尾比較柔軟, 拖肥, 橙, 棗, 朱古力, 少許OAKY
Manzanilla本身是一款帶鹹味既SHERRY酒, 而且可能存放在位於海邊的CELLAR 13?? 雖然年輕, 但在香甜之外多一些點綴, 和平時嘗到的GLENMORANGIE分別很大, 難怪最後會勝出

Dr. Bill本人亦講解得很好, 雖然蘇格蘭口音較重, 但為人風趣, 這大約一小時的課堂也沒有悶場

本來還有付費試飲的glenmorangie25及早前試的cellar 13, 但沒時間, 下次再續

Dr. Bill Lumsden私藏珍品

今次既酒廠Glenmorangie我諗我都唔使作太多既介紹, 依間位於高地, 以wood finish聞名既蒸餾廠, 自從2004年比LVMH收購之後, 發展蒸蒸日上, 到而家已經算係數一數二既大品牌。

Dr. Bill Lumsden, Glenmorangie's Head of Distilling & Whisky Creation, 算是Glenmorangie既靈魂人物，自95年起已為蒸餾廠服務了超過十八年，一直身居要職，其中不少新酒款都是來自他的設計，包括08年起推出一直大愛好評既PRIVATE EDITION, 以及中價旗艦款SIGNET

Glenmorangie Sonnalta PX, 46%alc

Sonnalta代表"豐厚"，經過10年American Oak的熟成，以及2年在Pedro Ximenez雪莉桶的延續

陳釀，甜度和濃厚度都比標準版的Lasanta優勝許多，Jim Murray更在2010給了它96.5分之高！

N: 主調為不同種類的乾果香氣、一點蜜糖、以及木桶的感覺；開始時較內儉，加水有助釋放香氣

P: 軟滑香甜、近似莓類既果香、乾果味濃郁，加上拖肥、蜜糖、烤烘食品等，細緻而不失複雜度

F: 適中長度的結尾，些許咖啡／朱古力的甘苦、提子乾、以及一點木桶的甜

Glenmorangie Finealta, 46%alc

Finealta代表"優雅"，所用的配方可追溯至二十世紀初酒廠成立初期，混合了波本及雪莉桶原酒，而且輕度燻製過的麥芽，令酒液在香甜以外帶著淡淡的泥煤，味道平衡細緻，低調但仍然吸引。

N: 香味誘人，在10年陳香草、蜜糖、柑橘等基礎上，加上了明顯的花香、後段非常淡的煙燻味

P: 入口順滑，和nose一致，雖不像預計中香甜，但加重了的烤烘及煙燻頗有趣、層次不錯

F: 結尾略短但舒適，少許蜜糖、香草以及延續自palate的烤烘和煙燻，各種味道表現平衡

Glenmorangie Artein, 46%alc

Artein代表"岩石"，用到含豐富礦物質的地下水源Tarlogie Spring；再加上同樣受風土影響較重，'Super Tuscan'葡萄酒桶的後期陳釀，結合出香氣特殊，口感細密的威士忌。

N: 香味濃郁有高年份的感覺，主調為漿果的香甜，有別於雪莉桶陳的乾果香，帶點油脂的香味

P: 入口creamy而醇厚，比想像甜，果味爆發、帶點煮過的水果及朱古力味，後段有些木桶的澀

F: 中等長度，先是果香、拖肥甜味，慢慢漸轉dry，單寧感覺再加重，並浮現一些礦物的聯想

Glenmorangie Ealanta, 46%alc

Ealanta代表"技巧"，1993年蒸餾以後一直存放於重度烤烘過的Virgin Oak之中，由於全新橡木桶陳年容易偏向辛辣，所以蘇格蘭同業之中很少會用到，這款實驗性質要在當中取得平衡實屬不易。

N: 鮮明的木材氣息中帶點辛辣、蜜糖、烤過的甜品／木桶、少許果仁，整體來說清新而偏甜

P: 初時順滑、香甜，但隨時間加長漸出現甘苦的味道，多士、咖啡豆及濃郁的烤木桶，變化頗大

F: 仍然是比較深沉的風格，除了上面所述還多了一點高純度黑朱古力的味道，悠長的結尾

Glenmorangie Signet, 46%alc

Signet是近年一支大受歡迎的新款，無論是酒的味道以及包裝都經過精心設計，獲得過不少獎項。

但製造方面則保持神秘，只知用到罕見的朱古力麥芽，以及混合了陳年超過30年的優質原酒。

N: Glenmorangie基本風格上再加強的香甜，Latte、麵包布甸、牛奶朱古力、以及濃郁的蜜糖

P: 先是香甜，其後香料的辛辣加重，慢慢重歸平淡，和暖豐厚之中滲出甘香，細緻而不失複雜度

F: 甜中帶一點朱古力和咖啡的感覺，還有少許柑橘類水果的清新，香味淡但餘蘊綿長

Made by the Sea: Talisker

今次event介紹既talisker來自Skye, 係北方高地西面最大的一個島嶼, 是一間海洋風格十分明顯的酒廠~

1830年於島上建立，19世紀其間，因資金及其他問題經歷多次轉售，甚至在1960年11月，一場意外的火災把當時的建築以及生產設施盡數焚毀，過了兩年才重建完畢後再次開幕. 

現時，Talisker隸屬於Diageo旗下的classic malts，其中1成出產由廠方裝瓶發售; 而其餘則會用於調合威士忌，是Johnnie Walker系列的骨幹原酒。 

原料方面，採用泥煤含量介乎於18-22ppm的麥芽；加上流經地下泥煤層的泉水，塑造出來的口感扎實，煙燻味濃烈，堪比islay的威士忌。

而廠方獨有的蒸餾器，回流管(reflux bowl)讓部分酒液重新回到爐中再次蒸餾，使初餾完畢已有接近一般兩次蒸餾的效果；而且酒心截取的比例較大，有助塑造出Talisker原酒複雜而充滿力量的特性。

廠方所使用同業中不太常見的蟲桶冷凝器(Worm tube condenser)，蒸餾完的氣體會進入戶外的木桶冷凝槽，由冷水浸泡的迴旋型銅管會把蒸氣慢慢凝結成酒液，令原酒和銅有更多互動。

陳年大多使用波本桶，以及少量的雪莉桶，混合調配後稀釋至45.8%alc裝瓶；而鄰近海邊的倉庫經常抵御著強烈的海風，在熟成過程中添上不少海洋的元素。

Talisker 10 Years，45.8%
1988年推出，現時品牌的最基本款式，以bourbon cask為主混合少量sherry cask；雖然陳年不久，但相對較重的煙燻泥煤，使它在低年份已經有十分精彩的表現。這支威士忌的海洋風格十分明顯，難怪廠方也說它們的出品是made by the sea。
N: 適中的泥煤及煙燻、海藻、海風、柑橘類水果、少許甜，氣味上較溫和
P: 入口感覺非常有力，海洋的鹹味、煙燻、強烈的胡椒，慢慢變得厚重溫暖
F: 悠長的結尾，只剩低一點煙、仍然是胡椒主導、香料，尾段再有一點點回甘

Talisker 18 Years，45.8%
年份的增加為威士忌洗去新酒的粗獷感，但同時使它變得更平衡、細緻，這一款可能不及上一支強烈的海洋風格，但就更為甜鹹適中，擁有十分吸引的複雜度。在07年第一屆World Whiskies Award中，更成為了World's Best Single Malt Whisky!!
N: 更濃的香氣，比10年鹹味及煙味降低的同時，乾果及拖肥糖等甜味變得明顯
P: 味道佔據口腔，順滑，先是甜味，少許辛辣，後段海洋及煙燻重新成為主導
F: 餘蘊並不強烈，但各種味道都十分配合，甜鹹均衡，帶來一個簡單舒適的感覺

Talisker Distiller Edition，45.8% (Vintage 2000)
這款1998年第一次發表的特別版，同樣也是10年的酒齡，在美國橡木桶陳年後
，額外再以Amoroso Sherry Casks的進行二次熟成，在品牌原有強而有力的海島風格上添上更濃郁誘人的甜味。這支2000版更是WWA2013的Best Islands Malt!!
N: 非常明顯的甜，雪莉酒、乾果、甜品等誘人的香味，當中隱藏著一點點煙燻
P: 比想像強的泥煤，甜味豐富、juicy，其後漸變為較dry的木桶，鹹味煙燻浮現
F: 較為earthy的泥煤味，非常綿長的餘蘊，帶點咖啡的甘苦，dry，仍然少許海風

Talisker 25 Years，54.8% (2009 release)
較高年份且限量推出的Talisker，在04年至09年推出的版本都是以cask strength裝瓶，每瓶都印有出廠編號，但近兩年就更改至和其他款式相同的45.8%，相對較為圓潤的新版，以往的原酒或許更能夠發揮出品牌剛強的風格。　　　　　　
N: 濃郁的香味，少許海風，煮過的橙、甜味，隱藏著一點泥煤煙燻，還有點像蠟?
P: 入口好full，先黎係甜味，少少咸味及胡椒等spicy之外，再有烤烘食物既感覺
F: 香而且長的結尾，有點烤木桶的味道，少許海洋既感覺，尾段蠟的感覺仍然在

25年這一支加水後香味更強，而且更滑



Talisker的主要款式除了以上四款外，還有NAS原酒款: 57° North；而今年更加入了數支無年份標示的新力軍，包括海洋風格更重的STORM，經過砵酒過桶Port Ruighe，以及即將推出的，在重度烤烘木桶中熟成的DARK STORM。

低地的AUCHENTOSHAN

Auchentoshan (Pronounced: OchunTOshun, 意思: 草原的角落)
廠方號稱他們是 ‘The only triple distilled single malt in Scotland!’

19世紀初期大量愛爾蘭的難民遷至蘇格蘭定居並帶來蒸餾技術, 有傳在當時已
成立一所名為Duntocher的蒸餾廠, 但此時仍處於私釀的階段. 直到1823年正式發牌, 於Glasgow市西面Kilpatrick hills的山腳設廠, 係低地歷史最悠久, 亦係距離Glasgow最近的蒸餾所.

十九世紀中至二十世紀尾曾有過數次擴建和易手, 冇乜相關方面既資料記載, 但廠方仍一直保持三次蒸餾的特色. 1984被現在所屬的集團Morrison Bowmore Distillers收購, 並在1994年和母公司一起合併至Suntory旗下, 在管理, 包裝, 創新, 以及宣傳方面都大有改善, 從根本地扭轉這一間Lowland蒸餾廠的命運!

堅持三次蒸餾的做法, 生產出更清淡輕盈的酒液, 讓木桶有更大的發揮空間, 而且即使陳年較久仍會保留住威士忌當中純粹的原料特質. 而除左一般用到的oloroso / px雪莉桶, 波本桶, 廠方亦會選用fino雪莉桶, 法國紅酒桶等等進行熟成, 為威士忌帶來更獨特、更複雜的味道.

今次4支都係特別版既AUCHENTOSHAN!!

Auchentoshan 1990 sliver oak (Travel retail edition), 52.5%
2012年品牌推出全新免稅店專賣系列中, 一支據說限量3000支的中高年份款式, 21年的熟成混合波本桶及雪莉桶, 並且以51.5%的高酒度入瓶(非原酒), 比常見的低地酒款更為濃郁, 味道上偏重波本的特色, 入口及結尾表現誘人
N: 濃郁的香草氣息, 帶一點花香, 果香及甜味比較封閉, 加水後表現較好
P: 入口細膩豐富, 朱古力, 咖啡, 糖果
F: 喝完後留下悠長的餘香, 香甜的木桶味令人回味, 帶點朱古力的感覺

Auchentoshan Valinch 2011 Release, 57.5% [N.A.S., Bourbon cask matured] 
2011年首次推出無年份以及純1st fill波本桶熟成的特別版原酒, 這種設定在其他蒸餾廠也時有推出, 比較原始的威士忌風味, 而Auchentoshan純粹的酒液更能把木桶的特性發揮出來; 推出以後備受好評, 2012亦再放出另一版本。
N: 並非想像中的波本風格, 新酒的感覺中帶有糖果, 柑橘類水果的氣息
P: 軟滑溫暖, 香草及木桶味浮現, 香甜之外帶點檸檬&胡椒等較刺激的味道
F: 像吃完蘋果的感覺, 少許香草味, 以及如薑茶般的微辛
World Whisky Awards 2012 - Lowland No Age Statement Winner

Auchentoshan 1998, 54.6% [12 years, Fino sherry cask matured] 
Fino是雪莉酒中酒體比較輕盈的一款, 味道較dry帶果仁香, 比起oloroso各PX來說, 較少用於威士忌的熟成, 做出來的酒無論色澤以及味道都不似常見的雪莉桶款濃郁, 但溫和的表現正和低地的風格相得益彰。
N: 甜味十分濃郁, 比起其他雪莉桶款偏重乾果, 拖肥糖, 焦糖的味道更明顯
P: creamy, 繼續香甜, 木桶及香料味加強, 柑橘類的感覺仍在, 後段帶點甘
F: 青蘋果, 乾果, 以及淡淡的木桶味, 香甜舒適的結尾
World Whisky Awards 2011 - Best Lowland Single Malt Whisky

Auchentoshan 1999, 58% [11 years, Bordeaux wine cask matured] 
被視為較早時推出另一支Saint Julien Wine Cask Matured的後續款式, 雖然這次沒有標示出來源酒莊, 但可知仍是MBD旗下。有評論認為紅酒桶單寧偏重且帶澀, 所以在威士忌工業中很少會用到,。
N: 較新的木材味之外, 果香十分明顯, 雜莓, 提子乾等, 和上兩支同樣偏甜
P: 比聞起來濃郁很多的木桶味, 慢慢甜味及果味充滿口腔, 有一點香料的辣
F: 結尾較dry不似前半香甜, 一點點單寧的澀, 少許黑朱古力
World Whisky Awards 2012 - Best Lowland Single Malt Whisky

4支入面VALINCH最出乎意料... 味道不似波本亦非特別討好; FINO SHERRY表演不錯好香甜; BORDEAUX CASK複雜度不錯, 單寧明顯但唔算太重, 雖然結尾偏短幾吸引; SLIVER OAK亦都係抵飲之選, 比普通版18好太多~

Speyside最微型: Benromach

Benromach於1898建立, 酒廠選址北面的Forres市, 係一間規模較小的蒸餾所, 但剛起步便經歷多次轉手和停廠, 在半個世紀中運作不足二十年, 直到1953: 歸入Scottish Malt Distillers先開始穩定落黎, 但1983年最終都面臨全面關廠, 甚至連器材都已拆走, 只剩下廠址及少量存酒.....

令佢重獲新生既契機係1992獨立生產商Gordon & MacPhail既收購, o係原址重建, 並且o係建廠百周年之際, 重新投入生產, 直到現在。

Benromach係斯佩賽產區最小的蒸餾所, 由僅有的2位員工Keith Cruickshank以及Mike Ross
負責大部分的生產工序, 其他酒廠用一個月就能完成的工作, 他們要用一年!

而酒廠出產主要分為兩大部分: SMD年代留傳下來, 純雪莉桶風格的典型斯佩賽威士忌; 以及G&M接手後, 由1998年前改用了輕度煙燻的麥芽(8-12PPM)所造出來的新款式。今次為大家帶黎全部都係新既一批。

Benromach Traditional, 40%alc
雖然在1998年酒廠開始已重新開始運作, 但在2004年才發表第一款全新的威士忌, Traditional便用了波本桶與雪莉桶混合, 在speyside典型的香甜清新風格中, 加添了少許煙燻的感覺, 但由於陳年不久, 在融合度上仍會表現出年輕酒款的感覺。
N: 嗅覺上偏清淡, 明顯既麥芽香氣, earthy, 再加上近似islands既peat同smoke
P: 入口表現就比較好, 少少花香, 唔算太甜, 後段香料既spicy滲出, 偏dry
F: 收尾時泥煤果種澀既口感黎得幾突然, 辛辣之餘仍帶有木桶及麥芽香

Benromach 10 years, 43%alc
重建之後首支標有年份的威士忌, 同樣使用混桶手法, 但在最後再加上為期約1年的Oloroso Sherry casks熟成, 帶來了更深的色澤以及更濃厚的雪莉桶香甜, 評價不錯, 在去年HKIWSC 2012中更取得15年以下single malt的Trophy大獎。
N: 四支入面最唔peat, 烤烘食品, 麥芽, 以及係少少花、果香, 比較內歛
P: 飲果時湧出好濃郁既oloroso桶味道, 雜莓, 香甜, 耐左d peat慢慢加強
F: 同樣有少少澀, 比較dry既sherry oak, 少少朱古力類似既甘, 微弱既果仁味

Benromach Organic Special Edition, 43%alc
全蘇格蘭最早標上「有機」其中一支威士忌, 材料以致製造過程都符合當地有機食品要求, 使用被稱為virgin oak的全新橡木桶, 與其他威士忌多使用舊桶的方法截然不同, 給予酒體更多有關烤烘, 木桶等等的風味
N: 少少近似藥水既peat smoke, 木材&烤木桶, 有美國威既印象, 比較輕盈既香氣
P: 好soft, 比想像中多peat, 烤桶愈來愈明顯, 並且甜味加強, 有拖肥糖既感覺
F: 仍然係烤烘味道為主, medium既peat, 以及係麵包, 黑朱古力等等

Benromach Peat Smoke Batch 4, 46%alc
熟成於首次使用的波本桶, 少批量生產的中度泥煤款式, 使用35ppm的麥芽, 雖然數值上比起islay仍有所不及, 但比較十分明顯的煙燻感覺絕對是超出預期; 而且未經冷凝過濾裝瓶, 為威士忌留住更多的風味, whisky bible更給了94分之高。
N: 完全係islay既感覺, 強peat弱smoke, 麥芽香仍然幾好, oily
P: 比一般peated malt既味道較為ashy, 香草, 香料同甜味會慢慢增加
F: 雖然重peat到唔似佢所標既35ppm, 但結尾表現悠長, 亦冇左果種澀感

整體黎講雖然免不了年輕, 但除左TRADITIONAL強差人意同埋結尾太澀, 另外3支都各有特色, 10年係比較濃既OLOROSO FINISH, ORGANIC係烤木桶, 而PEATED就係艾雷; 另外以非ISLAY既PEATED MALT黎計算控制得比較好, 好似ARDMORE真係............

Something Peaty (1)

以下一係堆換返黎又話者呃飲呃食拎返黎既sample, 而咁巧合都係d islay既野…今日就講住一半先, 分別係Big Peat, Lagavulin, Laphroaig以及Kilchoman各2支。

Big Peat, NAS vatted malt, 46%alc

N: 比較清淡冇想像中咁強既泥煤, 少少煙, 泥土, 海水, 水喉水, 麥芽

P: 入口都唔算刺激, 灰燼, 泥煤, 煙味強左, 少少鹹, 整體幾balance 

F: 淡但長既finish, 甘甘地(咖啡?), 煙草, 灰燼, 少少鹹

Big Peat 2012 Christmas Release, NAS vatted malt, 53.6%alc

N: 香味比普通版強但多左年輕酒既感覺, 繼續淡煙peat, 泥土, 香草, 碘酒, 海水, 胡椒

P: 入口一開始比較soft, 但逐漸湧出好濃既海島風格, 胡椒, 香料, 灰燼同泥煤, 鹹, 好細緻

F: 悠長既結尾, 除左淡淡既煙同peat之外, 真係好似海邊咁既感覺

BIG PEAT依兩支都冇佢個名講到咁BIG, 反而係比較自然既味道, 例如泥土海洋
揉合左4支唔同既single malt: ardbeg, caol ila, bowmore同port ellen!!! 當然好難搵得返各自既味

ISLAY既風格雖然溫和但表現得唔錯, 另外灰燼既感覺2支都有有少少, 台灣入好抵

香港都有, 勉強叫做可以考慮既價錢啦

Kilchoman 2010 Winter Release, 5 Years, 46% (又話者係machir bay...冇影相唔記得)

N: 比想像中強既泥煤, 年輕, 麥芽, 少少煙燻, 碘酒, 波本桶

P: 入口oily, 甘, 香料, 胡椒, 煙肉, 後段多左少少柑橘, 蘋果/梨 

F: 適中既長度, 淡peat之外帶點果香, 以及食完煙燻肉類既感覺

Kilchoman Sherry Release, 5 Years, 46%

N: 中~強既香味, 煙&PEAT都重, 熱帶果, 橙??, 少少乾果香, 感覺唔太甜

P: 都係好油既感覺, 少甜, 麥芽, 唔算太濃既SHERRY, 烤木桶, BBQ, 黑朱古力 

F: 中~長, 木桶, 少少SMOKY, 食完燒烤野個口好鞋既感覺…

Kilchoman作為islay最年輕而廠, 絕大部分都係得5年左右, 年輕但質素ok

比想像中peaty, 因為多數北邊果d都比較gentle,

oily甚至係meaty, 依個o係其他牌子冇試過既感覺, 幾特別

香港都有依支, 同big peat同一個代理。

另外第2支個橙味令我好疑惑, 因為聞到好明顯…而且個sample樽同時係一o的橙味飲品

突然又蠔聚

今次係蠔 + 火腿 + 生果, 其實我都唔係特別鍾意食蠔所以都只係食左2,3隻
不過終於成功到開左一隻蠔咁多!!! 但下次都係比返d熟手去做....


是日酒list: Nikka 伊達, Auchentoshan three wood, Big Peat 2012 X'mas, Dalmore 15 (依堆之前既PO又講我地繼續SKIP, BIG PEAT就之後幾篇會講) Dalmore Cigar Malt, Aberlour a'bunadh


The Dalmore Cigar Malt Reserve, Highland, o.b., 44%alc

N: 好濃厚既味道, 焦糖, 蜜糖, 乾果, 棗, 好深既SHERRY影響, 好似有隱約既煙/烤木桶

P: 入口更加豐富既味道, 好細緻既果味, 冇想像中咁甜, 反而係D朱古力, 咖啡等等既甘味

F: 中~長, 比較DRY, 木桶味好強, 另外仲係少少煙

依支都好難先搵得到, 濃味得黎唔太甜, 好似會幾夾大煙? 不過我唔食就冇試啦
比12同15年好少少, 但我對依個牌子既印象暫時都係一般...

Aberlour a'bunadh batch no.39, 59.8%alc

N: 非常吸引既香味, 好甜, 清新蜜糖, 好重乾果味, 少少柑橘類, 橙皮, 少少香料

P: 香甜佔領你整個口腔, 提子乾, 拖肥, 蜜糖, 烤烘甜品, 幾順唔覺得有近60度既酒精

F: 歷久不散既DEEP SHERRY, 溫暖, 舒服, 好GENTLE既香甜結尾

真係好好飲, 好好聞, 香港都~8XX真係幾吸引, 原酒WO
比起一般飲得到既SHERRY FINISH以及SHERRY MATURED都吸引好多

10th whisky gathering

話咁快時間已經一年啦, 真係試左好多唔同既酒!!

第10次亦都無可避免會有少少重覆…

是日酒list有Auchentoshan Three Wood, Smokehead & Smokehead 18, Glenfarclas 105, Ardbeg Alligator, 輕井澤Asama by One Drinks (由於依幾支之前都飲過就唔再評論, 可以睇返舊post)

所以今次主要就係試Glen Grant 16, Tomintoul 16, Glenfiddich 19 – Age of discovery: Madeira finish, Mekhong (From Thailand…)依4支

Glen Grant 16 Years, Speyside, O.B., 43%alc

N: 適中強度既香味, 偏清新, 花香, 少少瓜果, 果仁, 香草, 微弱既木桶香味

P: 入口順滑, 好LIGHT, 同氣味幾一致既典型SPEYSIDE風格, 後段麥芽既香甜味加強

F: 一般既長度, 細緻既果甜同麥芽, 簡單舒服

DFS 5XX$ 1LITE算係平時飲可以考慮既? 但同價位我揀返GOYNE17

Tomintoul 16 Years, Speyside, O.B., 40%alc

N: 中等既濃度, 奶油, 拖肥, 麥芽, 少少提子乾, 微量既煙燻, 感覺幾香甜

P: 入口CREAMY得黎都唔會太淡, 估唔到係得40度, 多左少少辣, 再甜左D, 熱帶果

F: 中~長, 淡木桶, 香草, 少許果味, 清甜既味道

比起同廠低年份同WOOD FINISH版依支感覺比較好, 更加柔和, 香甜, 唔錯

Glenfiddich 19 – Age of discovery: Madeira finish, Speyside, O.B., 40%alc

N: 比較上弱既味道, 少甜, 提子乾, 草本, 麥芽, 少許GRASSY既感覺

P: 入口都仍然好SOFT, 多左少少木桶, 草本再加強, 雜莓, 少少SPICY, 好似有D拖肥

F: 短~中, 繼續似係清涼既HERBS, 微弱既甜味

係幾得意, 不過唔值980$, 19年比18年貴左成4百….仲要18年似乎仲好飲D

Mekhong, Thailand, 35% (made from 95% sugar cane and 5% rice)

N: 非常濃, 香料, 香精, RUM, 好甜, 唔多自然既味, 唔似威士忌, 後尾查返成分更加明白

P: 入口冇聞落咁難接受, SPICY, 好甜, 後段D米味開始滲出黎

F: 比較短, 留低似係米, 穀物等等既香味

唔係WHISKY但成日比人當係WHISKY? 加冰之後藥水味爆發, 異常地難飲

Bowmore Tasting Event

最近突然心血來潮開始左搞facebook page同埋tasting event
大家幫手夾下錢令我更方便搞到o的叫做有少少主題既活動!!

波摩蒸餾廠Bowmore Distillery建立於1779年, 至今已有233年歷史, 是蘇格蘭六大單一麥芽產區之一, 艾雷島上最古老的威士忌廠。

今次會試普通版既12, 18, 25年, 同時試3個年份希望大家可以更了解依間廠, 以及威士忌o係唔同年份既表現, 依3支年份之間跳得比較大, 更明顯感受到佢地既分別。

另外仲有2支特別少少既原酒, 體驗下不一樣既波摩。

Bowmore 12 Years, 43%alc

N: 適中, 先黎係明顯既煙燻氣息, 再發現淡淡既檸檬, 蜜糖味道, 少少甜, 算係易接受既islay
P: 順口得黎慢慢滲出煙味, 微弱泥煤, 而蜜糖, 拖肥等等香甜令佢感覺平易近人, 雖然得43%但感覺力度都夠
F: 中, 煙燻同埋烤木桶既感覺之外, 後段有少少回甘

比較all-rounded既islay入門酒, Sherry cask對佢既影響, 由顏色到味道比起islay其他幾大牌子都重, 富有變化


Bowmore 18 Years, 43%alc

N: 濃郁既香味, 除左波摩特出既煙燻味, 再加上焦糖, 乾果, 以及少少黑朱古力, 聞起黎更甜
P: 類似12年既style但更強, 乾果的甜味, 甘香, 煙燻以及淡淡海風混合, 複雜度高, 層次分明
F: 長, 黑朱古力既微苦加上細緻既煙燻, 深沉而吸引既結尾

將香甜既感覺同埋islay既風格融合得好好, 如果價錢係1千樓下既話就非常吸引啦, 可惜要成千2...


Bowmore 25 Years, 43%alc

N: 再濃o的既味道, 煙燻泥煤被醇化而變得清新, 略為grassy/earthy, 雪莉桶同水果既香甜幾出, 聞起黎清新但誘人
P: 好似絲咁滑, 除左豐富既果甜, 同比較柔和既煙燻泥煤, 再有少許果仁, 多士, 黑朱古力, 溫和多變
F: 悠長, 木桶, 乾果, 烤烘食品等等既感覺, 結尾香味凝而不散

高年份islay感覺真係好唔同, 好清新, 濃郁既味道, 雖然好似簡單d但質素更好; 一次過12去到25咁樣三級跳更加感受唔同年份既分別, 當然價錢就唔止係三級跳..........


Bowmore 10 Years Tempest - Release No.3, 55.6%alc

N: 適中濃度既香味, 比普通版多一點的泥煤, 煙燻, 橙皮, 雲呢拿, 而bowmore常見既果味就欠奉
P: 初入口風平浪靜, 之後海水, 泥煤, 灰燼, 辛香料等等味道洶湧而出, 酒體厚實, 味道複雜, 而且飲落非常刺激
F: 持久力尚算強, 淡淡既泥煤香味, 木桶, 以及些微鹹味

只用first fill bourbon陳年既特別版, 有別於平時既款色, 少左甜味但爆發力驚人, 一支非常unusual既bowmore.



Bowmore 10 Years (2001/2011) PX finish by Exclusive Casks, 57.9%alc

獨立裝瓶廠款式的原酒, 經過約2年的px sherry過桶, 泥煤, 木桶以及果香都十分濃厚, 詳細可以睇返whisky live report!

btw 原來火腿同埋威士忌幾夾!!