簡直係一個壯舉...我諗我依個年紀會為飲酒而去旅行真係絕無僅有。
桃園機場裝修完靚左好多, 終於似返個國際機場
到步後就開始四日三夜台北旅行, 有其中三日都係同酒有關!!
DAY 1 宜蘭酒廠 & 金車威士忌廠
由台北搭去宜蘭, 個幾鐘車程既兩個地方真係好大分別
先係市中心附近望一望宜蘭酒廠, 黎之前都唔知佢有威士忌
可惜係冇得試既, 上面果支麥亂舞個樣幾靚仔的, BLENDED果2支就冇興趣
酒鬼鍾馗我真係第一次聽......
KAVALAN廠入面我都係另外開一篇黎講
DAY 2 - 3 WHISKY LIVE 2012 TAIPEI
第二日去永康街途中見到間酒鋪top9, 都入去望左陣買左兩支
老細好好人仲送左幾SET Singleton既杯同埋圓冰模比我地
食完lunch就出發去酒展!!
早左成大半個鐘到已經排緊隊....而我地後少少果d已經係戶外打蛇餅
入面唔算太大, 太約係會展3f-g咁多, 可能仲細少少
雖然未話好逼, 但每檔都唔少人係度試
當然唔少得showgirl
仲有酒廠人員同一o的限人數既tasting course
美食區d野食都ok, 因為試得唔少, 我一日都差唔多要2次中場休息
兩日展覽加埋試左60支single malt, 試左既款已有過去一年既7成有多....
今次我地只係買普通雙日票 900$ntd, 送1隻glencairn glass
拎左好多小冊子, 仲有多到試唔曬既酒款
macallan同 singleton區就係 vip 先入得, 2000$, 但其實多得果少少野
況且熟我既人都知我對老麥印象麻麻, 所以都係買平飛就算了
經過另一間酒鋪, 洋酒城
小總結:
依三日試既酒真係令人印象難忘, 威士忌愛好者如果下年有假可以一去
而且去台灣咁平!!今次4日3夜機票,住,門票同埋食, 應該使左唔夠三千$
跟住又要開始慢慢打返d tasting notes, 好在場內一路飲有一路寫
沒有留言:
張貼留言